جھوم برابر جھوم شرابی

فلم : 5 رائفلز (1974)
نغمہ نگار: نازاں شولاپوری
نغمہ : جھوم برابر جھوم شرابی
گلوکار : عزیز نازاں
موسیقار : عزیز نازاں
اداکار : آئی۔ایس۔جوہر
یوٹیوب : Jhoom Barabar Jhoom Sharabi (Qawwali) - 5 Rifles

نہ حرم میں، نہ سکوں ملتا ہے بت خانے میں
چین ملتا ہے تو ساقی تیرے میخانے میں

جھوم جھوم جھوم
جھوم برابر جھوم شرابی، جھوم برابر جھوم
کالی گھٹا ہے، مست فضا ہے ۔۔۔
کالی گھٹا ہے، مست فضا ہے، جام اٹھا کر گھوم گھوم گھوم
جھوم برابر جھوم شرابی ۔۔۔

آج انگور کی بیٹی سے محبت کر لے
شیخ صاحب کی نصیحت سے بغاوت کر لے
اس کی بیٹی نے اٹھا رکھی ہے سر پر دنیا
یہ تو اچھا ہوا کہ انگور کو بیٹا نہ ہوا
کم سے کم صورتِ ساقی کا نظارہ کر لے
آ کے میخانے میں جینے کا سہارا کر لے
آنکھ ملتے ہی جوانی کا مزہ آئے گا
تجھ کو انگور کے پانی کا مزہ آئے گا
ہر نظر اپنی بصدِ شوق گلابی کر دے
اتنی پی لے کہ زمانے کو شرابی کر دے
جام جب سامنے آئے تو مکرنا کیسا
بات جب پینے کی آ جائے تو ڈرنا کیسا
دھوم مچی ہے ۔۔۔ آ آ آ ۔۔۔ میخانے میں
دھوم مچی ہے میخانے میں، تو بھی مچا لے دھوم دھوم دھوم

اس کے پینے سے طبیعت میں روانی آئے
اس کو بوڑھا بھی جو پی لے تو جوانی آئے
پینے والے تجھے آ جائے گا پینے کا مزہ
اس کے ہر گھونٹ میں پوشیدہ ہے جینے کا مزہ
بات تو جب ہے کہ تو مئے کا پرستار بنے
تو نظر ڈال دے جس پر وہی مئےخوار بنے
موسمِ گل میں تو پینے کا مزہ آتا ہے
پینے والوں کو ہی جینے کا مزہ آتا ہے
جام اٹھا لے ۔۔۔ آ آ آ ۔۔۔ منہ سے لگا لے ۔۔۔ آ آ آ
جام اٹھا لے، منہ سے لگا لے، منہ سے لگا کر چوم چوم چوم
جھوم برابر جھوم شرابی ۔۔۔

جو بھی آتا ہے یہاں پی کے مچل جاتا ہے
جب نظر ساقی کی پڑتی ہے سنبھل جاتا ہے
آ ادھر جھوم کے ساقی کا لے کے نام اٹھا
دیکھ وہ ابر اٹھا، تو بھی ذرا جام اٹھا
اس قدر پی لے کہ رگ رگ میں سرور آ جائے
کثرتِ مے سے تیرے چہرے پہ نور آ جائے
اس کے ہر قطرے میں نازاں ہیں نہاں دریادلی
اس کے پینے سے پتا ہوتی ہے کہ زندہ دلی
شان سے پی لے، آ آ آ ۔۔۔ شان سے جی لے ۔۔۔ آ آ آ
شان سے پی لے، شان سے جی لے، گھوم نشے میں گھوم گھوم گھوم
جھوم برابر جھوم شرابی ۔۔۔
جھوم برابر جھوم ۔۔۔۔۔

Jhoom barabar jhoom sharabi - film: 5 Rifles (1974)