اجنبی کون ہو تم ، جب سے تمہیں دیکھا ہے

فلم : سویکار کیا میں نے (1983)
نغمہ نگار: ندا فاضلی
نغمہ : اجنبی کون ہو تم ، جب سے تمہیں دیکھا ہے
گلوکار : لتا منگیشکر
موسیقار : اوشا کھنہ
اداکار : ونود مہرہ، شبانہ اعظمی
یوٹیوب : Ajnabee Kaun Ho Tum | Sweekar Kiya Maine

اجنبی کون ہو تم ، جب سے تمہیں دیکھا ہے
ساری دنیا میری آنکھوں میں سمٹ آئی ہے

تم تو ہر گیت میں شامل تھے ترنم بن کے
تم ملے ہو مجھے پھولوں کا تبسم بن کے
ایسا لگتا ہے کہ برسوں سے شناسائی ہے

خواب کا رنگ حقیقت میں نظر آیا ہے
دل میں دھڑکن کی طرح کوئی اتر آیا ہے
آج ہر سانس میں شہنائی سی لہرائی ہے

کوئی آہٹ سی اندھیروں میں چمک جاتی ہے
رات آتی ہے تو تنہائی مہک جاتی ہے
تم ملے ہو یا محبت نے غزل گائی ہے

Ajnabee Kaun Ho Tum - film: Sweekar Kiya Maine (1983)