اے نرگسِ مستانہ بس اتنی شکایت ہے

فلم : آرزو (1965)
نغمہ نگار: حسرت جےپوری
نغمہ : اے نرگسِ مستانہ بس اتنی شکایت ہے
گلوکار : محمد رفیع
موسیقار : شنکر جےکشن
اداکار : راجندر کمار، سادھنا
یوٹیوب : Aye Nargise Mastana | Arzoo

اے نرگس مستانہ، بس اتنی شکایت ہے
سمجھا ہمیں بیگانہ، بس اتنی شکایت ہے

ہر راہ پر کترائیے، ہر موڑ پر گھبرائیے
منہ پھیر لیا ہے تم نے، ہم جب بھی نظر آئے
ہم کو نہیں پہچانا، بس اتنی شکایت ہے

ہو جاتے ہو برہم بھی، بن جاتے ہو ہمدم بھی
اے ساقئ میخانہ، شعلہ بھی ہو، شبنم بھی
خالی میرا پیمانہ، بس اتنی شکایت ہے

ہر رنگ قیامت ہے، ہر ڈھنگ شرارت ہے
دل توڑ کے چل دینا، یہ حسن کی عادت ہے
آتا نہیں بہلانا، بس اتنی شکایت ہے

Aye Nargis-E-Mastana - film: Arzoo (1965)