جاں نثار اختر کی فلمی نغمہ نگاری

جاں نثار حسین رضوی (المعروف جاں نثار اختر) مضطر خیرآبادی کی اکلوتی اولاد تھے۔ محمد افتخار حسین (المعروف مضطر خیرآبادی) اردو شعر و ادب کے معتبر شاعر تھے جو ایک اور بلند پایہ عالم اور شاعر سید احمد حسین رسوا کے فرزند تھے۔ سید احمد حسین رسوا کی شادی علامہ فضل حق خیرآبادی کی دختر سعیدۃ النساء سے ہوئی تھی۔
جاں نثار اختر کی پیدائش 8/فروری 1914 کو گوالیار میں ہوئی۔ علی گڑھ مسلم یونیورسٹی سے انہوں نے بی۔اے (آنرز) اور ایم۔اے کی اعلیٰ اسناد حاصل کیں۔ ایم۔اے میں انہوں نے اردو ادب میں امتیازی سند حاصل کی تھی۔ علی گڑھ مسلم یونیورسٹی میں وہ ذہین طالب علم مانے جاتے تھے، چونکہ شعر و ادب ان کے خمیر میں شامل تھا لہذا یہیں سے ان کی شاعری کا آغاز ہوا اور انہوں نے اپنا تخلص "اختر" رکھ لیا۔ اور یہ تخلص ان کے نام کے ساتھ اس طرح چسپاں ہوا کہ بنا پورا نام لیے محض 'اختر' سے ان کی شعری شناخت کا تصور ہی نہیں کیا جا سکتا تھا۔
ممبئی کی فلمی صنعت نے ہا اس فرد کا خیرمقدم کیا ہے جو اس کی فلموں کی تشکیل، تخلیق اور تکمیل کے کسی بھی شعبہ میں اپنے فن کارانہ مہارت سے معاون ثابت ہو۔ جاں نثار اختر چونکہ شاعر تھے ، یہی حربہ فلموں میں ان کی کامیابی کا ضامن ثابت ہوا۔
معاشی جدوجہد کے ابتدائی دور میں جاں نثار اختر معروف افسانہ نگار عصمت چغتائی کے فلمساز اور ہدایتکار شوہر شاہد لطیف کے فلیٹ میں زندگی کی آزمائشوں سے نبرد آزما تھے۔ شاہد لطیف نے ہی سب سے پہلے انہیں اپنی فلم "شکایت" میں بطور فلمی نغمہ نگار متعارف کروایا جسے فلمی زبان میں "بریک" دیا جانا کہا جاتا ہے۔
فلم "شکایت" 1948 میں پردۂ سیمیں کی زینت بنی تھی۔ ہدایت کار شاہد لطیف تھے۔ سنہ پربھا پردھان، شیام، حمید بٹ، راج مہرہ اور نگار سلطانہ فلم کے اہم اداکار تھے۔ رشید عطرے کی موسیقی میں نخشب اور جاں نثار اختر نے گیت لکھے تھے۔

جاں نثار اختر نے 1948 سے 1976 تک تقریباً 77 فلموں میں 300 سے زائد گانے لکھے۔ 1976 میں ان کا انتقال ہو گیا تھا لیکن ان کے لکھے گیتوں کی کچھ فلمیں ان کے انتقال کے کئی سال بعد تک ریلیز ہوتی رہیں جن میں "رضیہ سلطان" بھی شامل تھی جو ان کے انتقال کے تقریباً سات سال بعد ریلیز ہوئی تھی۔
جاں نثار اختر کے تحریر کردہ گانوں کی ایک منتخب فہرست ذیل میں پیش ہے۔

نمبر شمار	نغمہ	فلم	سن اجرا	موسیقار	گلوگار
1	میری بنو کی عمر دراز ہو	شکایت	1948	رشیید عطرے	.
2	چپکے سے یہ کیا ان کی نگاہوں نے کہا ہے	شکایت	.	.	.
3	اپنی محفل میں پھر ایک بار چلا آنے دے	کھیل	1950	سجاد حسین	.
4	آ جانِ وفا آ ، کہتے ہیں جسے عشق زمانے کو دکھا دے	انار گلی	1953	بسنت پرکاش	گیتا دت
5	اب دن ڈوب گیو راجہ پہاڑن میں	دھوپ چھاؤں	1954	عزیز ہندی	شمشاد بیگم
6	پیاسا پیاسا میرا جیا پکارے ، ہم بھی چلیں گے سیاں سنگ تمہارے	باپ رے باپ	1955	او۔پی۔نیر / سی رامچندر	آشا بھونسلے / کشور کمار
7	تو نہ آئے گھٹا غم کی چھانے لگی ، روٹھ کر چاندنی رات جانے لگی	باپ رے باپ	.	.	آشا بھونسلے
8	اے جذبۂ عشق تیرا تب اعتبار آئے ، وہ آئے اور مجھ تک بےاختیار آئے	حسینہ	1955	بلوسی رانی	طلعت محمود
9	تیری محفل سے اٹھ کر تیرے دیوانے کہاں جائیں	حسینہ	.	.	آشا بھونسلے
10	غریب جان کے ہم کو نہ تم بھلا دینا ، تم ہی نے درد دیا ہے تم ہی دوا دینا	چھومنتر	1956	او پی نیر	محمد رفیع
11	غم نہ کر مسکرا ، جینے کا لے لے مزہ ، نادان یہ زندگی پھر کہاں	چھومنتر	.	.	گیتادت / رفیع
12	چاند نشیلی رنگ رنگیلی مست ہوا ، جا میرے چندا ان کو کہیں سے ڈھونڈ کے لا	چھومنتر	.	.	گیتا دت
13	اپنا تو زمانے میں اتنا ہی فسانہ ہے ، کچھ ہم بھی دیوانے تھے کچھ دل بھی دوانہ ہے	نیا انداز	1956	او پی نیر	کشور کمار
14	میری نیندوں میں تم میرے خوابوں میں تم ، ہو گئے ہم تمہاری محبت میں گم	نیا انداز	.	.	شمشاد بیگم / کشور کمار
15	ہوا پچھلے پہر جب دور شہنائی بجاتی ہے	نیا انداز	.	.	کشور کمار
16	کچھ تو ایسی بات کر ظالم ، دل بہل جائے میرا بالم	قیدی	1957	او پی نیر	آشا بھونسلے
17	یوں مسکرا کے سامنے آیا نہ کیجیے ، دل لے کے میرے دل کا جلایا نہ کیجیے	قیدی	.	.	آشا / رفیع
18	من مورا باؤرا نس دن گائے گیت ملن کے	راگنی	1958	او پی نیر	محمد رفیع
19	بےکسی حد سے جب گزر جائے ، کوئی اے دل جئے کہ مر جائے	کلپنا	1960	او پی نیر	آشا بھونسلے
20	مازندراں مازندراں میرے وطن میرے جہاں	رستم سہراب	1961	سجاد حسین	طلعت محمود
21	اے دلربا نظریں ملا کچھ تو ملے غم کا صلہ	رستم سہراب	.	.	لتا منگیشکر
22	نظرنواز نظاروں میں کھو گیا ہوں میں	سوشیلا	1966	سی راجن	مہندر کپور
23	غم کی اندھیری رات میں دل کو نہ بےقرار کر	سوشیلا	.	.	رفیع / طلعت
24	بےمروت بےوفا بیگانۂ دل آپ ہیں ، آپ مانیں یا نہ مانیں میرے قاتل آپ ہیں	سوشیلا	.	.	مبارک بیگم
25	یہ دل اور ان کی نگاہوں کے سائے ،مجھے گھیر لیتے ہیں بانہوں کے سائے	پریم پربت	1973	جے دیو	لتا منگیشکر
26	دھرتی ہنستی رے چھلکے مستی رے	آئینہ	1974	نوشاد	.
27	تم مہکتی جواں چاندنی ہو ، چلتی پھرتی کوئی روشنی ہو	پیاسے دل	1974	خیام	مکیش
28	یہ دلنشیں نظارے کرتے ہیں کیا اشارے	پیاسے دل	.	.	مکیش
29	پانچ روپیہ ارے پانچ روپیہ دے دے بلموا میلہ دیکھن جاؤں گی	آندولن	1975	جے دیو	کرشنا کلے / مینوپرشوتم
30	کب تیرے حسن سے انکار کیا ہے میں نے ، زندگی تجھ سے بہت پیار کیا ہے میں نے	سندھیا	1975	خیام	مہندر کپور
31	یہ دل والے جو دل دے کر صلہ چاہیں ، یہ آنکھوں کی ہنسی میں غم کے پہلو کس نے دیکھے ہیں	سندھیا	.	.	سلکشنا پنڈت
32	نتھیانے ہائے رام بڑا دکھ دینا ، جب میں ہو گئی چودہ برس کی	سجورانی	1976	سپن جگموہن	شوبھا گرٹو
33	نگاہِ شوق سے رحمت کا جام دے ساقی	آخری سجدہ	1977	سجاد حسین	محمد رفیع
34	نظر ملاؤ پتا چلے گا کہ حسن کیا ہے شباب کیا ہے	آخری سجدہ	.	.	اوشا منگیشکر
35	آپ یوں فاصلوں سے گزرتے رہے ، دل سے قدموں کی آواز آتی رہی	شنکر حسین	1977	خیام	لتا منگیشکر
36	غم کی اندھیری رات میں دل کو نہ بیقرار کر ، صبح ضرور آئے گی صبح کا انتظار کر	صبح ضرور آئے گی	1977	سی راجن	طلعت / رفیع

***
بشکریہ: ادب سے فلم تک (از: رشید انجم)