سات عجوبے اس دنیا میں آٹھویں اپنی جوڑی

فلم : دھرم ویر (1977)
نغمہ نگار: آنند بخشی
نغمہ : سات عجوبے اس دنیا میں آٹھویں اپنی جوڑی
گلوکار : محمد رفیع ، مکیش
موسیقار : لکشمی کانت پیارے لال
اداکار : دھرمیندر، جتیندر، زینت امان ، نیتوسنگھ، پران
یوٹیوب : Saat Ajoobe Iss Duniya Mein | Dharam Veer

سات عجوبے اس دنیا میں آٹھویں اپنی جوڑی
ارے توڑے سے بھی ٹوٹے ناں یہ دھرم ویر کی جوڑی

کوئی تجھ کو دے آواز تو میں بولوں
کوئی تجھے پکارے تو میں لب کھولوں
کیا جینا اور کیا مر جانا
ایسا ہوتا ہے یارانہ
ارے چھوڑی یاروں نے دنیا پر یار کی بانہہ نہ چھوڑی
سات عجوبے اس دنیا میں ۔۔۔

یہ لڑکی ہے یا ریشم کی ڈور ہے
کتنا غصہ ہے کتنی منہ زور ہے
ڈھیلا چھوڑ نہ دینا ہنس کے
رکھنا دوست لگام کس کے
ارے مشکل سے قابو میں آئے تھوڑی ڈھیل جو چھوڑی
سات عجوبے اس دنیا میں ۔۔۔

دکھ سکھ کے ہم ساتھی ہیں یہ وعدہ ہے
اپنا جو کچھ ہے سب آدھا آدھا ہے
جو یہ سچا وعدہ ہے تو سب کچھ آدھا آدھا ہے تو
ارے رانی ماں سے مجھ کو بھی ممتا مل جائے تھوڑی
سات عجوبے اس دنیا میں آٹھویں اپنی جوڑی
ارے توڑے سے بھی ٹوٹے ناں یہ دھرم ویر کی جوڑی

Saat Ajoobe Is Duniyaa Men - film: Dharam Veer (1977)