صنم تو بےوفا کے نام سے مشہور ہو جائے

فلم : کھلونا (1970)
نغمہ نگار: آنند بخشی
نغمہ : صنم تو بےوفا کے نام سے مشہور ہو جائے
گلوکار : لتا منگیشکر
موسیقار : لکشمی کانت پیارے لال
اداکار : سنجیو کمار، ممتاز، شتروگھن سنہا، جیتندر
یوٹیوب : Sanam Tu Bewafa Ke Naam Se

اگر دلبر کی رسوائی ہمیں منظور ہو جائے
صنم تو بےوفا کے نام سے مشہور ہو جائے

ہمیں فرصت نہیں ملتی کبھی آنسو بہانے سے
کئی غم پاس آ بیٹھے، تیرے ایک دور جانے سے
اگر تو پاس آ جائے، تو ہر غم دور ہو جائے

وفا کا واسطہ دے کر، محبت آج روتی ہے
نہ ایسے کھیل اس دل سے، یہ نازک چیز ہوتی ہے
ذرا سی ٹھیس لگ جائے تو شیشہ چور ہو جائے

تیرے رنگین ہونٹوں کو کنول کہنے سے ڈرتے ہے
تیری اس بےرخی پہ ہم غزل کہنے سے ڈرتے ہے
کہیں ایسا نہ ہو تو اور بھی مغرور ہو جائے

Sanam Tu Bewafa Ke Naam Se - film: Khilona (1970)